Búist við 5-6% niðurskurði á þorskkvótanum í Barentshafi
Allar líkur eru taldar á að þorskkvótinn í Barentshafi verði skertur um a.m.k. 5-6% á næsta ári. Samkvæmt vetrarmælingum á þorskstofninum hefur stærð veiðistofns fjögurra ára þorsks og eldri minnkað um 40% frá árinu 2002.
Það er ljóst að kvótasamdráttur kemur sér mjög illa fyrir sjómenn og útgerðarmenn. Þá eru það vonbrigði að þrátt fyrir góðan vöxt í stofninum á undanförnu árum þá hefur það ekki skilað samsvarandi aukningu í kvótanum. Helsta ástæðan er sögð vera veiði rússneskra togara umfram kvóta og ,,svartar” landanir í flutningaskip á hafi úti.
