Reykjanesviti
Reykjanesviti
Vitar landsins njóta mikilla vinsælda
Út er komin skýrslan Íslenskir vitar og ferðamenn eftir Rögnvald Guðmundsson hjá Rannsóknum og ráðgjöf ferðaþjónustunnar ehf. Meginefni skýrslunnar er úrvinnsla úr könnun á vitaáhuga meðal Íslendinga og erlendra ferðamanna hér á landi.
Niðurstöður eru margþættar, en nefna má að samkvæmt svörum úr könnunum og líkindareikningi skýrsluhöfundar hafa 77% Íslendinga áhuga á vitum og 65% sýna höfnum áhuga. Vitaáhugi meðal erlendra ferðamanna er einnig umtalsverður og mestur meðal Þjóðverja og Svisslendinga meðan sumarsól skín í heiði en með löngum haustskuggum koma Ameríkanar í vitaljós. Karlar eru vitakærari en konur og flestum þykir Reykjanesviti vita bestur.
Frá þessu er greint á vef Siglingastofnunar.
